Ukrayna Prezidenti Volodimir Zelenski NATO-nun Türkiyənin paytaxtı Ankarada keçiriləcək sammiti çərçivəsində ABŞ Prezidenti Donald Tramp və digər alyans liderləri ilə keçirəcəyi görüşlərə nikbin yanaşır. Bu barədə “Bloomberg” agentliyi məlumat yayıb.
Məlumata görə, Zelenski son günlərdə onunla əlaqə saxlayan mənbələrdən birinə sammit ərəfəsində Tramp və digər NATO liderləri ilə aparılacaq danışıqlardan müsbət nəticələr gözlədiyini bildirib.
Məlumatda o da qeyd olunur ki, Ukrayna lideri ABŞ ilə pilotsuz uçuş aparatlarının (PUA) istehsalı sahəsində əməkdaşlığa dair sazişin imzalanmasını hələlik təxirə salıb.
Bildirilir ki, Zelenskinin bu addımı atmasının əsas məqsədi daha əlverişli şərtlər əldə etmək və ABŞ rəsmilərinin sözügedən əməkdaşlığın strateji əhəmiyyətini daha yüksək qiymətləndirməsinə nail olmaqdır.