İsrailin Baş naziri Benyamin Netanyahu İranı yeni hücumların nəticələri ilə bağlı xəbərdar edib.
Dimona şəhərində keçirilən tədbirdə çıxış edən B. Netanyahu bildirib ki, İsrailə qarşı istənilən yeni hücuma əvvəlkindən daha sərt və güclü cavab veriləcək.
B. Netanyahu: Bizə hücum etsəniz, bunun əvvəlki hadisələr kimi təkrarlanacağını düşünməyin. Bu dəfə hadisələrin inkişafı tamamilə fərqli və qat-qat daha güclü olacaq.
Onun bəyanatı İsrail və İran arasında gərginliyin davam etdiyi bir dövrdə səsləndirilib.
Rəsmi Tehran isə B. Netanyahu tərəfindən səsləndirilən açıqlamalara hələlik münasibət bildirməyib.