Çin Xarici İşlər Nazirliyinin (XİN) sözçüsü Mao Nin Rusiya hərbçilərinin Çində təlim keçməsi ilə bağlı yayılan məlumatların həqiqəti əks etdirmədiyini bildirib.
O, bu iddiaları “Çini nüfuzdan salmağa yönəlmiş tamamilə uydurma məlumatlar” kimi qiymətləndirib.
Mao Nin vurğulayıb ki, Çin Ukrayna böhranı ilə bağlı ardıcıl olaraq obyektiv və qərəzsiz mövqe nümayiş etdirir, münaqişənin siyasi yollarla həllini dəstəkləyir və sülh danışıqlarının təşviqi istiqamətində səylərini davam etdirir.
Çin XİN sözçüsü Almaniya Xarici İşlər Nazirliyinin Çinin Berlindəki səfirini nazirliyə çağırmasına da münasibət bildirib. O qeyd edib ki, Berlin Pekinin Ukrayna böhranı ilə bağlı mövqeyinə obyektiv və rasional yanaşmalıdır.