İsmayıllı rayonunda iki avtomobilin toqquşması nəticəsində iki nəfər ölüb, beş nəfər xəsarət alıb.
Bu gün saat 12 radələrində rayon ərazisində “Hyundai” və “Lynk & Co” markalı avtomobillərin toqquşması nəticəsində iki nəfər hadisə yerində həyatını itirib.
Məlumata görə, ölənlərdən biri körpə, digəri isə 60 yaşlı Elina Məmmədovadır.
Qəza nəticəsində 29 yaşlı Türkanə Sadıqova, 25 yaşlı İlahə İsmayılova, 25 yaşlı Məmməd Məmmədov, 25 yaşlı Faiq İsmayılov və 25 yaşlı Zahid Nuriyev müxtəlif dərəcəli xəsarətlər alıblar.
Daxili İşlər Nazirliyinin Mətbuat Xidmətinin regional qrupundan bildirilib ki, faktla bağlı cinayət işi başlanılıb və hazırda araşdırma aparılır.
