İsrail polisi və Ümumi Təhlükəsizlik Xidməti (ŞABAK) ötən ay Yerusəlimdə 20 yaşlı ABŞ vətəndaşını İran kəşfiyyatı ilə əlaqədə olmaq və onun tapşırıqlarını yerinə yetirmək şübhəsi ilə saxlayıb.
Rəsmi məlumata görə, şübhəli son aylarda İran tərəfi ilə əlaqə saxlayaraq müxtəlif tapşırıqları icra edib. Bildirilir ki, o, İsrailin strateji əhəmiyyətli obyektlərinin foto və video çəkilişini həyata keçirib və yerinə yetirdiyi hər tapşırığa görə onlarla, bəzi hallarda isə yüzlərlə dollar məbləğində ödəniş alıb.
İsrail hüquq-mühafizə orqanlarının məlumatına əsasən, bu gün həmin şəxs barəsində ittiham aktı məhkəməyə təqdim olunub. Prokurorluq onun məhkəmə araşdırması başa çatanadək həbsdə saxlanılmasını tələb edib.
Hadisə ilə bağlı araşdırmalar davam edir.