İsrailin milli aviadaşıyıcısı EL AL təhlükəsizlik riskləri ilə əlaqədar Təl-Əviv–Moskva marşrutu üzrə uçuşları müvəqqəti dayandırıb.
“Qolos İsrailya” nəşrinin məlumatına görə, iyunun 25-dən etibarən reyslərin ləğv edilməsi barədə sərnişinlərə bildirişlər göndərilib.
Şirkət qərarı Moskva üzərində pilotsuz uçuş aparatlarının hücumu təhlükəsinin davam etməsi və paytaxt hava limanlarında tətbiq olunan məhdudiyyətlərlə əlaqələndirib. Bildirilib ki, mövcud vəziyyət uçuş cədvəllərində ciddi qeyri-müəyyənlik yaradıb və reyslərin vaxtında yerinə yetirilməsini çətinləşdirib.
EL AL qeyd edib ki, vəziyyət sabitləşənə və uçuşların təhlükəsiz həyata keçirilməsi üçün bütün zəruri şərtlər təmin olunana qədər Moskva istiqamətində reyslər bərpa edilməyəcək.