Gecə saatlarında Zərdab rayonunda ağır yol-nəqliyyat hadisəsi baş verib.
Jnews.az xəbər verir ki, hadisə Zərdab-Ağcabədi avtomobil yolunda qeydə alınıb.
“KİA” markalı minik avtomobili traktorla toqquşduqdan sonra alışaraq yanıb. Hadisə nəticəsində avtomobildə olan 5 nəfər həyatını itirib. Daha bir nəfər isə ağır yaralanıb.
Qəzada ölənlər 1989-cu il təvəllüdlü Elyar Qalib oğlu Məhəmmədov, 1954-cü il təvəllüdlü Qalib Soltan oğlu Məhəmmədov, 1981-ci il təvəllüdlü Susanna Namizəd qızı Məhəmmədova, 1956-cı il təvəllüdlü Səkinə Sədulla qızı Məhəmmədova, 1979-cu il təvəllüdlü Mehriban Zabit qızı Kərimovadır.
1997-ci il təvəllüdlü Reyhan Nəsib qızı Məhəmmədova isə qəza zamanı xəsarət alıb.
Faktla bağlı araşdırma aparılır.
