Yol-nəqliyyat hadisəsində bir nəfərin ölümünə və digərinin ağır xəsarət almasına görə təqsirləndirilən “Arzum 9999” ləqəbli bloqer İlduzə Hacıyevanın cinayət işi üzrə məhkəmə yekunlaşıb.
Məhkəmə müdafiə tərəfinin işin yenidən istintaqa qaytarılması ilə bağlı vəsatətini təmin etməyib. Hökmə əsasən, İlduzə Hacıyeva 5 il 2 ay müddətinə azadlıqdan məhrum edilib, həmçinin 2 il 6 ay sürücülük hüququndan məhrum olunub. O, məhkəmə zalında həbs edilib.
Qeyd edək ki, hadisə 2025-ci ilin iyununda Bakının Mərdəkan qəsəbəsində baş verib. Bloqerə Azərbaycan Respublikasının Cinayət Məcəlləsinin 263.2 və 264-cü maddələri ilə ittiham irəli sürülüb.