Dövlət Təhlükəsizliyi Xidmətinin (DTX) Qax Rayon İcra Hakimiyyətində keçirdiyi əməliyyat zamanı saxlanılan sabiq icra başçısı Musa Şəkiliyevin həbs müddəti daha 6 ay uzadılıb.
Müvafiq qərar istintaq orqanının təqdimatı əsasında məhkəmə tərəfindən qəbul edilib.
Xatırladaq ki, Musa Şəkiliyev 2025-ci ilin iyununda DTX-nin keçirdiyi əməliyyat zamanı saxlanılıb. O, vəzifə səlahiyyətlərindən sui-istifadə edərək dövlət əmlakına külli miqdarda ziyan vurmaqda ittiham olunur.
Musa Şəkiliyev barəsində əvvəlcə 4 aylıq həbs qətimkan tədbiri seçilib. Daha sonra bu müddət bir neçə dəfə uzadılıb. Məhkəmənin son qərarı ilə onun həbs müddəti daha 6 ay artırılıb.