İsrailin Baş naziri Benyamin Netanyahunun ofisi İranın yüksək vəzifəli rəsmilərinə qarşı sui-qəsd planlarının mövcudluğu barədə yayılan məlumatları qəti şəkildə təkzib edib.
Rəsmi açıqlamada “The Washington Post”qəzetinin İranın xarici işlər naziri Abbas Əraqçi və parlament sədri Məhəmməd Baqir Qalibafın zərərsizləşdirilməsi ilə bağlı iddiaları “tamamilə uydurma” və “etibarsız məlumat” kimi qiymətləndirilib.
Bundan əvvəl “The Washington Post” yazmışdı ki, Ağ Ev diplomatik təmasların pozulacağı ilə bağlı narahatlıqlar fonunda İsrailin guya planlaşdırdığı əməliyyatların qarşısını almaq üçün təcili müdaxilə edib. Nəşrin iddiasına görə, söhbət İranın əsas danışıqlar aparan nümayəndələri hesab olunan Əraqçi və Qalibafa qarşı mümkün sui-qəsd planlarından gedirdi.