Bakı şəhərinin Suraxanı rayonu, Əmircan qəsəbəsi ərazisində 113 nömrəli mütəzəm marşrut xətti üzrə hərəkət edən “Karsan” markalı avtobus qəzaya uğrayıb. İdarəetmədən çıxan nəqliyyat vasitəsi yoldan kənara çıxaraq ağaca çırpılıb.
Hadisə nəticəsində sürücü və avtobusda olan sərnişinlər müxtəlif dərəcəli bədən xəsarətləri almışlar.
Məsələ ilə bağlı Tibbi Ərazi Bölmələrini İdarəetmə Birliğindən (TƏBİB) verilən məlumata görə, iyulun 1-də saat 10:30-da 5-i qadın, 6-sı kişi olmaqla ümumililikdə 11 nəfər Sabunçu Tibb Mərkəzinin Təcili tibbi yardım şöbəsinə hospitalizasiya olunub.
Tibb müəssisəsində pasiyentlərə lazımi ilkin yardım göstərilib və müayinələri aparılıb. Vəziyyətləri qənaətbəxş qiymətləndirilən xəsarət alan şəxslər ambulator müalicə üçün evə buraxılıblar.
Mənbə: Qafqazinfo.az