Amerika Birləşmiş Ştatları (ABŞ) Prezidenti Donald Trampın xüsusi nümayəndəsi Stiv Uitkoff çərşənbə axşamı İranla planlaşdırılan danışıqlar üçün Qətərin paytaxtı Dohaya yola düşüb. Bu barədə CNN iki ABŞ rəsmisinə istinadən məlumat yayıb.
Telekanalın məlumatına görə, ABŞ prezidentinin kürəkəni Cared Kuşnerin də nümayəndə heyətində olub-olmadığı hələlik bəlli deyil.
Bundan əvvəl Donald Tramp Dohada çərşənbə axşamı üçün ABŞ-İran görüşünün planlaşdırıldığını bildirmişdi. Lakin İran Xarici İşlər Nazirliyinin sözçüsü İsmayıl Bəqai bu bəyanatı təkzib edərək, Tehranın yaxın gələcəkdə Qətərdə ABŞ rəsmiləri ilə heç bir görüş nəzərdə tutmadığını söyləmişdi.