“Adar Invest” şirkəti dünyanın istənilən nöqtəsindən kollektiv ibadətlərə qoşulmağa şərait yaradan qlobal rəqəmsal platformanı – “Sinagoga 2.0”-ı (sngg2.org) təqdim edib.
Yeni platforma internetə çıxışı olan yəhudilərə həm gündəlik ibadətlərdə, həm də dini bayramlarda ibadət qrupuna qoşulmaq imkanı verir.
Beynəlxalq istifadəçilər üçün nəzərdə tutulan xidmət rus, ivrit, ingilis, fransız və ispan dillərində fəaliyyət göstərir. Eyni zamanda, bütün canlı yayımlar qeyd olunan beş dildə subtitrlərlə təmin edilir.
Layihə xüsusilə fiziki olaraq sinaqoqlara gedə bilməyən və ya təhlükəsizlik səbəbindən çətinlik yaşayan şəxslər üçün nəzərdə tutulub. Şirkətdən verilən məlumata görə, bu xüsusiyyətlərə malik analoji platforma dünyada indiyədək mövcud olmayıb.
