Amerikalı sahibkar İlon Mask yenidən trilyoner statusunu bərpa edib.
“Forbes” jurnalının məlumatına görə, onun sərvəti yenidən 1 trilyon dollar dəyərində qiymətləndirilir.
Kapitalın artması “SpaceX” və “Tesla” şirkətlərinin səhmlərinin dəyərinin artması ilə əlaqədardır. Bunun sayəsində Maskın aktivlərinin xalis dəyəri 65 milyard dollardan çox artıb.
Xatırladaq ki, iyun ayında iş adamının sərvəti “SpaceX” səhmlərinin dəyərinin azalması səbəbindən 1 trilyon dollar həddindən aşağı düşmüşdü. Şirkətin qiymətli kağızlarının ilkin yerləşdirilməsindən sonra o, trilyoner statusunu iki həftədən az müddətə qoruyub saxlamışdı.