ABŞ prezidenti Donald Tramp İrana qarşı sərt bəyanatla çıxış edib. Özünün “Truth Social” platformasındakı paylaşımında o, Vaşinqtonun Tehrana qarşı hərbi əməliyyatlara yenidən başlamağa məcbur qala biləcəyini və bunun İran İslam Respublikasının mövcudluğuna son qoyacağını bildirib.
Tamamilə mümkündür ki, onlar heç vaxt heç bir dərs götürməyəcəklər. Elə bir an gələ bilər ki, biz artıq ağlabatan davrana bilməyəcəyik və belə uğurla başladığımız işi hərbi yolla başa çatdırmağa məcbur olacağıq. Əgər bu baş verərsə, İran İslam Respublikası mövcudluğunu itirəcək.