ABŞ prezidenti Donald Trampın administrasiyası İranın nüvə proqramı ilə bağlı məqsədlər üçün 672 milyon dollar ayrılmasını tələb edir. Bu barədə Fox News telekanalı öz mənbələrinə istinadən xəbər verir.
Məlumata görə, vəsaitlər İranın nüvə materiallarının ləğvi, yoxlamaların və verifikasiyanın təşkili, habelə nüvə silahının yayılmasının qarşısının alınmasına yönəlmiş digər tədbirlərin həyata keçirilməsi üçün nəzərdə tutulub.
Maliyyələşdirmənin ABŞ Energetika Nazirliyinə “İranı nüvə silahı hazırlamaq və ya əldə etmək qabiliyyətindən məhrum edəcək fəaliyyətləri dəstəkləmək” üçün yönəldilməsi planlaşdırılır.
Qeyd olunur ki, tələb olunan məbləğ Amerika KİV-lərinin əvvəllər xəbər verdiyi 80 milyard dollarlıq daha böyük əlavə maliyyə paketinin bir hissəsidir.