İsrail Müdafiə Ordusu (IDF) İordan çayının qərb sahilində yerləşən Nablus şəhəri və ətrafındakı ərazilərdə 48 saat davam edən antiterror əməliyyatını başa çatdırıb.
Jnews.az xəbər verir ki, əməliyyat zamanı silah istehsalında istifadə olunan 30-dan çox dəzgah sökülüb. Həmçinin odlu silahlar, tapançalar və sursat müsadirə edilib.
Əməliyyat çərçivəsində yüzlərlə obyektə baxış keçirilib, onlarla şübhəli şəxs dindirilib və axtarışda olan 10-dan çox şəxs saxlanılıb.
İsrail ordusunun bildirdiyinə görə, əməliyyat Nablus şəhəri və ətrafındakı ərazilərdə keçirilib. SAXAL İordan çayının qərb sahilində terror fəaliyyətinin qarşısını almaq məqsədilə əməliyyatları davam etdirəcəyini bildirib.
Ordunun açıqlamasında qeyd olunub ki, bu fəaliyyətlərin məqsədi bölgə sakinlərinin və İsrailin mülki əhalisinin təhlükəsizliyini təmin etməkdir.
