İsrail Müdafiə Qüvvələri (SAXAL) Qəzza zolağının mərkəzində, Deyr əl-Bələh şəhərində HƏMAS komandirinə qarşı əməliyyat keçirib.
Jnews.az xəbər verir ki, İsrail ordusunun məlumatına görə, hədəf və Əl-Əqsa Şəhidlər Xəstəxanasının ərazisində gizlənən HƏMAS-ın hərbi qanadının komandiri olub. SAXAL onun İsrail hərbçilərinə və mülki şəxslərə qarşı hücumlar hazırladığını, həmçinin HƏMAS-ın hərbi imkanlarını bərpa etməyə çalışdığını bildirib.
Zərbədən əvvəl təhlükəsizlik tədbirləri görülüb
İsrail ordusu bildirib ki, əməliyyat zamanı mülki əhali arasında itkilərin qarşısını almaq üçün tədbirlər görülüb. Açıqlamaya görə, zərbənin dəqiqliyini artırmaq üçün dəqiq idarə olunan sursatlardan və hava kəşfiyyatından istifadə olunub.
Qəzza səhiyyə qurumlarının məlumatına görə isə zərbə nəticəsində xəstəxananın ərazisindəki tibbi anbarın yaxınlığında üç nəfər yaralanıb.
İsrail ordusu avqustun 27-də Qəzzadakı tibb müəssisələrindən hərbi məqsədlərlə istifadəyə son qoyulması ilə bağlı səhiyyə qurumlarına xəbərdarlıq edildiyini də bildirib.
Mənbə: israelnationalnews.com
