Yenilənib: Avqust 27, 2026 12:23 axşam
Azərbaycan Prezidenti İlham Əliyev Moldova Respublikasının müstəqilliyinin elan edilməsinin 35-ci ildönümü münasibətilə Prezident Maya Sanduya təbrik məktubu göndərib.
Jnews.az xəbər verir ki, dövlət başçısı məktubunda öz adından və Azərbaycan xalqının adından Maya Sandunu və Moldova xalqını təbrik edib.
İlham Əliyev Azərbaycan ilə Moldova arasında ənənəvi dostluq münasibətlərinin və əməkdaşlığın inkişaf dinamikasından məmnunluğunu ifadə edib.
Prezident iki ölkə xalqlarını birləşdirən dostluq əlaqələrinə əsaslanan ikitərəfli münasibətlərin daha da möhkəmləndirilməsi istiqamətində birgə səylərin ardıcıl şəkildə davam etdiriləcəyinə əminliyini bildirib.
İlham Əliyev məktubunun sonunda Maya Sanduya möhkəm cansağlığı, xoşbəxtlik və dövlət fəaliyyətində uğurlar, Moldova xalqına isə sülh və rifah arzulayıb.
