Yenilənib: Avqust 27, 2026 12:08 axşam
Özbəkistan Prezidenti Şavkat Mirziyoyev ölkənin müstəqilliyinin 35-ci ildönümü ilə əlaqədar 852 məhkumun əfv edilməsi haqqında fərman imzalayıb.
Jnews.az xəbər verir ki, Özbəkistan prezidentinin fərmanına əsasən, 604 nəfər cəza çəkməkdən tamamilə azad edilir.
Daha 115 məhkum şərti olaraq vaxtından əvvəl azadlığa buraxılır. 52 nəfər barəsində cəza tədbiri daha yüngülü ilə əvəz edilib, 81 məhkumun isə azadlıqdan məhrumetmə müddəti azaldılıb.
Əfv olunanların siyahısına müxtəlif kateqoriyadan olan vətəndaşlar daxil edilib. Xüsusilə, onların arasında 49 qadın, 60 yaşdan yuxarı 37 kişi və 375 gənc var. Həmçinin azad olunanlar sırasına 7 əcnəbi vətəndaş daxildir.
Xüsusilə qeyd olunur ki, əfv Özbəkistanda qadağan olunmuş təşkilatların fəaliyyətində iştiraka görə əvvəllər məhkum edilmiş 63 nəfərə də şamil edilib.
Qeyd edək ki, Özbəkistanın Müstəqillik Günü sentyabrın 1-də qeyd olunur.
