İsrail Müdafiə Qüvvələrinin (SAXAL) Baş Qərargah rəisi Eyal Zamir ABŞ Hərbi Hava Qüvvələrinin komandanı general Devid Allvinlə görüş keçirib.
Jnews.az xəbər verir ki, görüşdə İsrail Hərbi Hava Qüvvələrinin komandanı Omer Tişler də iştirak edib.
Tərəflər Yaxın Şərqdəki mövcud vəziyyəti müzakirə edib, birgə hərbi fəaliyyətlərin nəticələri ilə bağlı təcrübə və əldə olunan nəticələr ətrafında fikir mübadiləsi aparıblar.
Görüş zamanı, həmçinin İsrail və ABŞ silahlı qüvvələri arasında gələcək əməkdaşlıq istiqamətləri nəzərdən keçirilib.
İsrail və ABŞ orduları arasında hərbi koordinasiya və əməkdaşlığın yüksək səviyyədə olduğu daha əvvəl də İsrail tərəfindən vurğulanıb.
