Suriya polisi Livandakı “Hizbullah” qruplaşmasına çatdırılması nəzərdə tutulan silah-sursat yükü ələ keçirib.
Suriya Daxili İşlər Nazirliyinin məlumatına görə, təhlükəsizlik qüvvələri Suriya-İraq sərhədində həyata keçirilən əməliyyat zamanı şübhəli nəqliyyat vasitəsini saxlayıb. Axtarış zamanı yük yerində müxtəlif növ hərbi vasitələr, o cümlədən raketlər, tank əleyhinə idarəolunan silahlar və pilotsuz uçuş aparatları aşkarlanıb.
Nazirlik bildirib ki, ilkin araşdırmalar zamanı ələ keçirilən silahların Suriya ərazisindən tranzit keçərək Livandakı “Hizbullah”a çatdırılmasının planlaşdırıldığı müəyyən edilib. Hadisə ilə bağlı araşdırmaların davam etdiyi, qaçaqmalçılıq şəbəkəsində iştirak edən şəxslərin axtarışına başlandığı qeyd edilib.
Məlumatda həmçinin vurğulanıb ki, Suriya ərazisinin silah qaçaqmalçılığı üçün istifadə edilməsinin qarşısının alınması təhlükəsizlik prioritetlərindən biri olaraq qalır.
Qeyd edək ki, “Hizbullah”ın Suriyada fəaliyyət göstərməsi ilə bağlı iddiaları qruplaşma rədd edir.