Pakistanın Hayber-Paxtunxva əyalətində təhlükəsizlik qüvvələrinə qarşı silsilə hücumlar həyata keçirilib.
Bannu rayonunda minalanmış avtomobil polis bölməsinin yaxınlığında partladılıb. Bundan sonra hücumçularla polis arasında bir neçə saat davam edən silahlı atışma baş verib. Son məlumata görə, altısı polis olmaqla azı 10 nəfər yaralanıb.
Ayrı bir hücum isə Aşağı Dir rayonunda qeydə alınıb. Nəticədə iki polis əməkdaşı həlak olub, daha 16 nəfər yaralanıb.
Bannu rayonundakı hücuma görə məsuliyyəti “Pakistan Taliban”ı (TTP) ilə əlaqəli olan “Ittihad-ul-Mujahideen Pakistan” qruplaşması öz üzərinə götürüb.