Avqustun 31-də Qırğızıstanın paytaxtı Bişkek şəhərində Azərbaycan Respublikasının Prezidenti İlham Əliyev ilə Qazaxıstan Respublikasının Prezidenti Kasım-Jomart Tokayev arasında görüş keçirilib.
Azərbaycan Prezidenti İlham Əliyev həmin gün Qırğız Respublikasına işgüzar səfərə gəlib. Səfərin əsas məqsədi Şanxay Əməkdaşlıq Təşkilatının tədbirlərində iştirak etməkdir.
Dövlət başçısını və birinci xanım Mehriban Əliyevanı “Manas” Beynəlxalq Hava Limanında Qırğızıstan Nazirlər Kabinetinin sədri və Prezident Administrasiyasının rəhbəri Adılbek Kasımaliyev qarşılayıb. Hava limanında Azərbaycan Prezidentinin qarşılanması mərasimi üçün fəxri qarovul dəstəsi düzülüb.
