Ermənistanın Baş naziri Nikol Paşinyan Rusiyanın Yekaterinburq şəhərinə səfər edəcək.
Rusiya hökumətinin mətbuat xidmətinin yaydığı məlumata görə, səfər çərçivəsində Paşinyan ilə Rusiyanın Baş naziri Mixail Mişustin arasında görüş keçiriləcək.
Danışıqlar iyulun 6-9-da Yekaterinburqda təşkil olunacaq İnnoprom Beynəlxalq Sənaye Sərgisi çərçivəsində baş tutacaq. Tərəflərin ikitərəfli əməkdaşlığın hazırkı vəziyyətini və perspektivlərini, eləcə də qarşılıqlı maraq doğuran regional və iqtisadi məsələləri müzakirə etmələri gözlənilir.
İnnoprom sərgisi Rusiyanın ən böyük sənaye platformalarından biri hesab olunur və hər il müxtəlif ölkələrdən hökumət nümayəndələrini, biznes dairələrinin təmsilçilərini və investorları bir araya gətirir.