Cümə günü, avqustun 21-də İsrail ərazisində havanın temperaturunun daha da yüksəlib.
Meteorologiya xidmətinin məlumatına görə, ümumilikdə növbəti günlərdə də temperatur göstəriciləri iqlim normasından yüksək olacaq. Xüsusilə ölkənin dağlıq və daxili rayonlarında quru və isti hava şəraiti hökm sürəcək. Sahil düzənliyində isə temperaturun yüksəlməsi ilə yanaşı, yüksək rütubət də qalacaq. Bu isə havanın daha boğucu hiss edilməsinə səbəb olacaq.
Meteoroloqlar mövcud istilik yükünü əksər bölgələrdə güclü və ekstremal kimi qiymətləndirirlər. Ən yüksək temperaturun İsrailin şərq və cənub hissələrində qeydə alınacağı proqnozlaşdırılır.
Avqustun 22-i üçün hava proqnozuna əsasən, temperaturun Tel-Əviv və Hayfada 31, Qüds və Arieldə 33, Beer-Şeva və Mitspe-Ramonda 34, Katsrində 38, Tiberiyada 39, Eylatda isə 40 dərəcəyə yüksələcəyi gözlənilir.
Bazar günü, avqustun 23-də temperaturun mövsümi normaya qayıdacağı proqnozlaşdırılır. Lakin artıq bazar ertəsi, avqustun 24-də sinoptiklər yeni isti hava dalğasının başlayacağını bildirirlər. Bu zaman temperaturun yenidən ilin bu dövrü üçün orta göstəricilərdən yüksək olacağı gözlənilir.
Mənbə: cursorinfo.co.il
