“Bakı Metropoliteni” QSC “28 May” və “Nizami” stansiyaları arasındakı sahədə qatarların hərəkətini dayandıracaq. Bu məhdudiyyət metropoliten xətlərinin ayrılması layihəsinin icrası çərçivəsində tətbiq olunur.
Qurumdan bildirildiyinə görə, qeyd olunan hissədə qatarların hərəkəti bütün zəruri tikinti işləri tam başa çatanadək dayandırılacaq.
Yeni ekspres avtobuslar
Bununla paralel olaraq Bakıda yeni ekspres avtobusların istismarına başlanılır. Bu tədbir paytaxtda sərnişindaşıma keyfiyyətinin yüksəldilməsinə və vətəndaşların nəqliyyat əlçatanlığının təmin edilməsinə yönəlib.
Yaxın vaxtlarda aidiyyəti qurumlar bu nəqliyyat vasitələrinin hərəkət edəcəyi marşrutların tam siyahısını təqdim edəcəklər.
Mənbə: oxu.az