Avqustun 20-də gündüz saatlarında Alyaskanın qərbində çarter təyyarəsi qəzaya uğrayıb.
İlkin məlumata görə, hava gəmisi Ankoricdən havalandıqdan sonra Nyuenhem burnu ərazisində, uzaq radiolokasiya stansiyasının yaxınlığında enişə keçərkən qəzaya uğrayıb.
Təyyarənin göyərtəsində iki pilot və altı sərnişin olmaqla, ümumilikdə səkkiz nəfərin olduğu bildirilir. Hazırda onların taleyi və vəziyyəti barədə dəqiq məlumat yoxdur.
Hadisənin səbəbləri hələlik məlum deyil. Qəzanın hansı şəraitdə baş verdiyi və təyyarənin eniş zamanı nə səbəbdən idarəetməni itirdiyi araşdırılır.
Qəza barədə məlumat daxil olduqdan sonra Alyaska Xilasetmə İşləri üzrə Koordinasiya Mərkəzi axtarış-xilasetmə əməliyyatına başlayıb. Ərazidə xilasetmə işləri davam etdirilir.
Rəsmi qurumlar hadisə ilə bağlı əlavə məlumat əldə olunduqca ictimaiyyətə açıqlama veriləcəyini bildiriblər.
Mənbə: report.az
