Bu gün Bakıda OPEC+ Əməkdaşlıq Xartiyasının Texniki Komitəsinin ilk iclasına start verilib.
İclasda OPEC-ə üzv ölkələrin və Xartiyaya qoşulan dövlətlərin nümayəndələri iştirak edirlər. Tədbirə OPEC-in baş katibi Haysam əl-Qaysın rəhbərlik etdiyi yüksəksəviyyəli nümayəndə heyəti də qatılıb.
Azərbaycanın energetika naziri Pərviz Şahbazov iclasda çıxışı zamanı bildirib ki, tədbirin Bakıda keçirilməsi Azərbaycanın həm dünya neft sənayesinin tarixində, həm də müasir beynəlxalq enerji əməkdaşlığının inkişafındakı roluna verilən yüksək qiymətin göstəricisidir.
Nazir vurğulayıb ki, OPEC+ çərçivəsində əsas məqsəd qlobal enerji bazarında tələb və təklif arasında balansın qorunmasıdır.
Pərviz Şahbazov: Əsas məqsədimiz tələb və təklif arasında tarazlığın saxlanılmasıdır. Bu, OPEC+ çərçivəsində əməkdaşlığa sadiqliyimizin bariz göstəricisidir. Azərbaycan bundan sonra da dünya enerji bazarında sabitliyin qorunmasına və OPEC+ çərçivəsində beynəlxalq əməkdaşlığın inkişafına öz töhfəsini verməyə davam edəcək.