Venesuela hökumətinin müraciətindən sonra İsrailin zəlzələnin nəticələrinin aradan qaldırılması məqsədilə ölkədə fəaliyyət göstərən humanitar yardım missiyasının müddəti daha iki həftə uzadılıb. Qərar İsrailin xarici işlər naziri Gideon Saar və baş nazir Benyamin Netanyahunun razılığı ilə qəbul edilib.
Məlumata görə, Karakasda İsrail nümayəndə heyəti ilə Venesuela hökumətini təmsil edən Delsi Rodriges arasında görüş keçirilib. Görüşdən əvvəl isə Gideon Saar və Delsi Rodriges arasında telefon danışığı baş tutub.
Telefon danışığı zamanı Venesuela tərəfi israilli mütəxəssislərin ölkədə fəaliyyətini daha iki həftə davam etdirməsini xahiş edib. Bildirilib ki, bu müddətdə İsrail mütəxəssislərinin hazırladığı milli bərpa planının icrasına start veriləcək.
Müraciətdən sonra İsrail hökuməti Xarici İşlər Nazirliyi və İsrail Müdafiə Qüvvələrinin (SAXAL) humanitar yardım missiyasının Venesueladakı fəaliyyətinin əlavə iki həftə davam etdirilməsini təsdiqləyib.