Milli Hidrometeorologiya Xidməti ölkə ərazisində gözlənilən küləkli hava şəraiti ilə əlaqədar sarı xəbərdarlıq yayıb.
Qurumun məlumatına görə, xəbərdarlıq Bakını və Abşeron yarımadasını, həmçinin Naxçıvan Muxtar Respublikası və ölkənin bir çox rayonunu əhatə edir.
Proqnoza əsasən, Quba, Qusar, Xaçmaz, Şabran, Siyəzən, Xızı, Şirvan, Qobustan, Hacıqabul, İmişli, Saatlı, Sabirabad, Neftçala, Salyan, Lənkəran, Masallı, Astara, Lerik, Yardımlı, Cəlilabad, Biləsuvar, Kəlbəcər, Laçın, Mingəçevir, Daşkəsən, Gədəbəy, Goranboy, Naftalan, Balakən, Zaqatala, Qax, Şəki və Oğuz rayonlarında şimal-qərb küləyinin sürətinin 13,9–20,7 m/s təşkil edəcəyi gözlənilir.
Milli Hidrometeorologiya Xidməti əhaliyə küləkli hava şəraitini nəzərə almağı və təhlükəsizlik qaydalarına əməl etməyi tövsiyə edir.