İsrail Müdafiə Qüvvələri (SAXAL) Livanın cənubunda həyata keçirdiyi əməliyyat zamanı yeraltı tuneldən çıxan “Hizbullah” silahlısını zərərsizləşdirib.
Ordunun mətbuat xidmətinin yaydığı məlumata görə, hadisə təhlükəsizlik zonasında yerləşən Əli əl-Tahar silsiləsi yaxınlığında baş verib. Bildirilir ki, silahlının istifadə etdiyi tunel həmin ərazidə yerləşib və o, bölgədə fəaliyyət göstərən İsrail hərbçiləri üçün birbaşa təhlükə hesab olunub.
SAXAL açıqlamasında qeyd edib ki, təhlükənin qarşısını almaq məqsədilə həyata keçirilən əməliyyat nəticəsində silahlı məhv edilib.