Rusiya Silahlı Qüvvələri ötən gecə Ukraynanın bir neçə vilayətinə raket və pilotsuz uçuş aparatları (PUA) ilə zərbələr endirib.
Ukraynanın Fövqəladə Hallar üzrə Dövlət Xidmətinin (ДСНС) məlumatına görə, hücumlar nəticəsində azı 4 nəfər həlak olub. Ölənlər arasında 2 uşağın da olduğu bildirilir. Bundan əlavə, ən azı 13 nəfər müxtəlif dərəcəli bədən xəsarətləri alıb.
Məlumata əsasən, zərbələr Sumı, Nikolayev, Odessa və Dnepropetrovsk vilayətlərini hədəf alıb. Hücumlar nəticəsində yaşayış və mülki infrastruktura ziyan dəyib, dağıntılar baş verib.
Hadisə yerlərində xilasedicilər və digər operativ xidmətlər axtarış-xilasetmə və bərpa işlərini davam etdirir. Hücumların nəticələri ilə bağlı məlumatların dəqiqləşdirildiyi bildirilib.
