ABŞ Prezidenti Donald Trampın administrasiyası ölkənin 15 şəhərində antisemitizmlə mübarizəyə yönəlmiş genişmiqyaslı kampaniyaya start verməyə hazırlaşır.
Bu barədə antisemitizmlə mübarizə üzrə məqsədli işçi qrupunun rəhbəri və ABŞ Ədliyyə Nazirliyinin (DOJ) rəsmisi Leo Terrell məlumat verib.
Onun sözlərinə görə, təşəbbüs çərçivəsində federal qurumlar yəhudi icmalarının müdafiəsi üçün bütün mövcud hüquqi və inzibati mexanizmlərdən istifadə edəcəklər. Kampaniya zamanı yerli hakimiyyət orqanlarının təhlükəsizlik məsələlərində yol verdiyi mümkün fəaliyyətsizlik halları da müəyyən edilərək ictimaiyyətə açıqlanacaq.
Terrell bildirib ki, proqramın əsas məqsədlərindən biri yəhudi icmalarını onların qanuni hüquqları barədə məlumatlandırmaqdır. O əlavə edib ki, zərurət yarandığı təqdirdə, Ədliyyə Nazirliyi müvafiq məhkəmə iddialarının qaldırılması imkanını da nəzərdən keçirəcək.
Məlumata görə, ümummilli proqramın həyata keçirilməsi ilə bağlı hazırlıq məsələləri 2026-cı ilin yayında keçirilən ixtisaslaşmış konfransda müzakirə olunub. Həmin tədbirdə Leo Terrell hökumətin antisemitizmlə mübarizə strategiyasının əsas istiqamətlərini təqdim edib.
Mənbə: jpost.com