Azərbaycanın “Peşə təhsili üzrə ixtisasların Təsnifatı”na yeni sahələr əlavə olunub. Bu dəyişiklik Nazirlər Kabinetinin 2011-ci il 31 oktyabr tarixli 178 nömrəli qərarına əsasən edilib.
Müvafiq sənədi Baş nazir Əli Əsədov imzalayıb. Qərara əsasən, təsdiq edilmiş təsnifata bir sıra yeni ixtisas daxil edilib.
Yeni ixtisasların siyahısına “Tədbirlərin planlaşdırılması və təşkili”, “Satış və marketinq”, “Satınalmaların təşkili”, “Mexatronika”, “İstehsalata rəqəmsal nəzarət sistemləri”, “Rəqəmsal məzmun idarəçiliyi”, “3D rəqəmsal oyun dizayneri”, “Bitki mühafizəsi və fumiqasiya işləri üzrə texnik”, “Geodeziya və kartoqrafiya”, “Qida emalı texnologiyaları”, “Rəqəmsal inşaat üzrə mütəxəssis” və “Elektrik sayğacları texniki” daxildir.