İsrailin Baş naziri Benyamin Netanyahunun ABŞ-yə rəsmi səfəri start götürüb. Vaşinqtonda keçirilən yüksək səviyyəli görüşlərin mərkəzində İran ətrafındakı vəziyyət və regional təhlükəsizlik məsələləri dayanır.
Bu, ABŞ Prezidenti Donald Trampın ikinci prezidentlik dövrünə başlamasından sonra liderlərin üz-üzə keçirdikləri sayca səkkizinci görüşdür. Fevral ayının sonlarında başlayan İran münaqişəsindən sonra baş tutan bu ilk üz-üzə müzakirələrdə tərəflər strateji addımları nəzərdən keçirirlər.
Prezident Donald Tramp mətbuata açıqlamasında İran məsələsində bəzi taktiki fikir ayrılıqlarının olduğunu, lakin ümumi xətdə yaxın mövqe tutduqlarını qeyd edib. Netanyahu isə səfərin əsas məqsədinin İsrailin təhlükəsizliyini təmin etmək və təhdidlərə qarşı ortaq strategiyanı gücləndirmək olduğunu vurğulayıb.
Ağ Evdəki danışıqlarda, həmçinin İsrail-Livan sərhədində atəşkəs çərçivəsinin tətbiqi, Qəzzadakı humanitar vəziyyət və “İbrahim Sazişləri”nin genişləndirilməsi müzakirə olunur. Eyni zamanda, xarici KİV-lərin məlumatına görə, Tramp bu gün Ağ Evdə həm Benyamin Netanyahunu, həm də Ukrayna Prezidenti Volodimir Zelenskini ayrı-ayrılıqda qəbul edərək qlobal münaqişələrin tənzimlənməsi istiqamətində təmaslar aparır.
Səfər çərçivəsində İsrailin Baş nazirinin mərhum amerikalı senator Lindsi Qremin xatirə mərasimində iştirak edərək ona son ehtiramını bildirməsi də nəzərdə tutulub.
