2026-cı ilin yanvar-iyul aylarında Azərbaycanın xarici ticarət dövriyyəsi 30 milyard 17 milyon 400 min ABŞ dolları təşkil edib.
Jnews.az xəbər verir ki, hesabat dövründə ölkənin hüquqi və fiziki şəxsləri 173 dövlətdən olan tərəfdaşlarla ticarət əməliyyatları həyata keçiriblər.
Statistik məlumatlara əsasən, məhsulların ixracı 121 ölkəyə, idxalı isə 160 dövlətdən həyata keçirilib.
Yeddi ayın yekunlarına görə, Azərbaycanın xarici ticarətində 10 milyard 256 milyon dollar məbləğində müsbət saldo yaranıb.
2025-ci ilin müvafiq dövrü ilə müqayisədə xarici ticarət dövriyyəsində fərqli dinamika qeydə alınıb. Nominal ifadədə xarici ticarət dövriyyəsi 6,9 faiz artıb, real ifadədə isə 15,1 faiz azalıb.
Mənbə: oxu.az
