“iDigital” və “iStore” şirkətləri yeni flaqman seriyası olan “iPhone 18 Pro” və “Pro Max” modelləri üçün öncədən sifarişlərin qəbuluna başlayacaqlarını açıqlayıblar. Müraciətlərin qəbulu sentyabrın 12-də saat 15:00-da başlayacaq.
Jnews.az xəbər verir ki, “Mahsney Haşmal” şəbəkəsi də “iPhone 18”-in baza modelləri və uyğun aksesuarlar üçün öz mağazalarında və rəsmi internet saytında ilkin qeydiyyat elan edib.
“iStore”-un məlumatına görə, “iPhone 18 Pro”-nun qiyməti 256 GB yaddaşa malik versiya üçün 5399 şekeldən başlayacaq və 2 TB yaddaşa malik model üçün 10 699 şekelə qədər olacaq. 512 GB və 1 TB yaddaşa malik modellərin qiyməti müvafiq olaraq 6299 və 7999 şekel təşkil edəcək.
“iPhone 18 Pro Max” modellərinin qiyməti isə 256 GB versiya üçün 5899 şekeldən başlayaraq 2 TB yaddaşa malik model üçün 10 999 şekelə qədər dəyişəcək. 512 GB və 1 TB yaddaşa malik modellər müvafiq olaraq 6699 və 8499 şekelə satılacaq.
“iDigital” şirkətindən bildirilib ki, premium seriyanın alıcılarına iki il müddətinə genişləndirilmiş zəmanət təqdim olunacaq. Xidmət rəsmi servis mərkəzlərində göstəriləcək və təmir işləri aparıldığı müddətdə müştəriyə əvəzedici cihaz təqdim ediləcək.
Mənbə: newsru.co.il
