Yenilənib: Sentyabr 10, 2026 10:39 səhər
2026-cı il Nobel mükafatı laureatlarının adlarının açıqlanacağı tarixlər məlum olub. Laureatların adlarının açıqlanması prosesi oktyabrın 5-dən 12-dək davam edəcək.
Jnews.az xəbər verir ki, bütün elanlar Nobel Komitəsinin rəsmi rəqəmsal kanalları vasitəsilə canlı yayımlanacaq.
Qrafikə əsasən, oktyabrın 5-də fiziologiya və ya tibb sahəsi üzrə laureatın adı açıqlanacaq. Oktyabrın 6-da fizika, oktyabrın 7-də kimya, oktyabrın 8-də isə ədəbiyyat üzrə laureatlar elan ediləcək.
Nobel Sülh mükafatının laureatı oktyabrın 9-da açıqlanacaq. Nobel mükafatlarının elan mərhələsi İsveç Mərkəzi Bankının Alfred Nobelin xatirəsinə təsis etdiyi iqtisadiyyat elmləri üzrə mükafatın oktyabrın 12-də elan olunması ilə başa çatacaq.
Təntənəli mükafatlandırma mərasimi dekabrın 10-da Stokholmda keçiriləcək. Mərasim zamanı laureatlara Nobel medalları, diplomlar və mükafatın pul hissəsini təsdiq edən sənədlər təqdim olunacaq.
