“Israir” aviaşirkəti marşrut şəbəkəsini genişləndirərək Nyu-Yorka birbaşa uçuşlar həyata keçirməyə başlayır. Şirkət bu istiqamətdə istifadə olunacaq iki geniş gövdəli “Airbus A330” təyyarəsinin istismarı üçün bütün zəruri hazırlıq işlərini tamamlayıb.
Jnews.az xəbər verir ki, uçuş cədvəlinə əsasən, Tel-Əvivdən Nyu-Yorka ilk reys sentyabrın 15-də həyata keçiriləcək. Nyu-Yorkdan İsrailə ilk əks reysin isə sentyabrın 17-də yerinə yetirilməsi planlaşdırılır.
Şirkət yaxın vaxtlarda bu marşrut üzrə uçuşlara biletlərin satışına başlayacaq.
Mənbə: jpost.com
