Yenilənib: Sentyabr 1, 2026 1:28 axşam
Şanxay Əməkdaşlıq Təşkilatına (ŞƏT) üzv dövlətlərin liderləri Bişkekdə keçirilən sammiti 28 ikitərəfli və çoxtərəfli sənədin imzalanması ilə başa vurublar.
Jnews.az xəbər verir ki, yekun sənədlər paketi təhlükəsizlik və iqtisadi inkişafın əsas istiqamətləri üzrə əməkdaşlığın genişləndirilməsinə yönəlib.
Sammitin əsas sənədi ŞƏT-in yaradılmasının 25 illiyinə həsr olunmuş Bişkek Bəyannaməsi olub. Bundan əlavə, iştirakçı ölkələr 2026–2028-ci illər üçün beynəlxalq informasiya təhlükəsizliyinin təmin edilməsi sahəsində əməkdaşlıq planını təsdiqləyiblər.
İqtisadi əməkdaşlıq genişləndiriləcək
İqtisadi gündəm çərçivəsində üzv ölkələrin liman və logistika mərkəzlərinin inkişafı üzrə 2026–2030-cu illəri əhatə edən fəaliyyət planı qəbul edilib.
Dövlət və hökumət başçıları, həmçinin nüvə təhlükəsizliyi sahəsində çoxtərəfli tərəfdaşlığın genişləndirilməsi haqqında bəyannamə imzalayıblar.
Lahor ŞƏT-in mədəniyyət və turizm paytaxtı olacaq
Mədəni-humanitar əməkdaşlıq çərçivəsində Pakistanın Lahor şəhərinə 2026–2027-ci illər üçün ŞƏT-in turizm və mədəniyyət paytaxtı statusunun verilməsi barədə qərar qəbul edilib.
Bundan başqa, tərəflər təşkilatın fəaliyyətinin və mövcud əməkdaşlığın inkişafına yönəlmiş bir sıra digər sənədlər də imzalayıblar.
