Əmək və Əhalinin Sosial Müdafiəsi Nazirliyinin (ƏƏSMN) tabeliyində fəaliyyət göstərən Dövlət Sosial Müdafiə Fondu (DSMF) Azərbaycanda iyun ayına aid pensiya ödənişlərini başa çatdırdı.
ƏƏSMN-dən jnews.az-a verilən məlumata görə, bu ödənişlər iki əsas mərhələdə həyata keçirilib.
İlk mərhələ 12 iyun tarixində Bakı və Sumqayıt şəhərləri, Abşeron rayonu, eləcə də Naxçıvan Muxtar Respublikasında qeydiyyatda olan pensiyaçılar üçün nəzərdə tutulmuşdu. Bu tarixdə müvafiq pensiyaların ödənişi tamamlanıb.
Növbəti mərhələ isə bu gün, yəni ikinci mərhələdə ölkənin digər bölgələrində qeydiyyatda olan vətəndaşların pensiyaları, o cümlədən güzəştli şərtlərlə təyin edilmiş pensiyalar ödənilib. Beləliklə, iyun ayının pensiya təminatı bütün ölkə üzrə yekunlaşdırılmışdır.