Azərbaycan Respublikasının Prezidenti İlham Əliyev tərəfindən imzalanan fərmana əsasən, diplomatik xidmət orqanlarında çalışan əməkdaşların fəaliyyətinə xitam verilməsi ilə bağlı yeni qaydalar təsdiqlənib. Bu dəyişikliklər "Diplomatik xidmət haqqında" qanuna əlavə edilən 30.1.14-cü maddədə öz əksini tapıb.
Yeni müddəaya görə, diplomatik xidmət əməkdaşının xidmətinə üç əsas halda xitam veriləcək:
- Vəfat etdikdə;
- Məhkəmənin qanuni qüvvəyə minmiş qərarı ilə xəbərsiz itkin düşmüş elan edildikdə;
- Məhkəmənin qanuni qüvvəyə minmiş qərarı ilə ölmüş elan edildikdə.
Qeyd olunan hallarda diplomatik xidmət əməkdaşının xidmətinə xitam verildikdə, onun vərəsələrinə maddi dəstək göstəriləcək. Belə ki, vərəsələrə ortaaylıq dövlət məvacibinin dörd misli miqdarında müavinət ödəniləcəkdir.