Azərbaycanda əhalinin sayı 2024-cü ilin əvvəlindən etibarən 7 987 nəfər və ya 0,1 faiz artaraq, 1 may 2024-cü il tarixinə 10 270 338 nəfərə çatıb. Bu barədə məlumat Dövlət Statistika Komitəsinin bu ilin yanvar-may aylarında ölkənin iqtisadi və sosial inkişafının makroiqtisadi göstəricilərini əks etdirən nəşrində yer alıb.
Dərc edilmiş məlumatlarda həmçinin bildirilir ki, ümumi əhali içərisində şəhər əhalisinin payı 54,3 faiz, kənd əhalisinin payı isə 45,7 faiz təşkil edir. Gender bölgüsü baxımından isə, ölkə əhalisinin 49,8 faizini kişilər, 50,2 faizini isə qadınlar təşkil edir.