Xocavənd rayonunun Qızılqaya kəndində mina partlayışı qeydə alınıb. Hadisə minalardan təmizlənməmiş ərazidə buldozerin minaya düşməsi nəticəsində baş verib.
Məlumata görə, buldozeri Qazax rayon sakini, 1961-ci il təvəllüdlü Abbasov Elçin Telman oğlu idarə edib. Partlayış zamanı Tovuz rayon sakinləri — 1989-cu il təvəllüdlü Fərəcov Sənan Söhrab oğlu və 2003-cü il təvəllüdlü Əhmədov Fuad İlqar oğlu xəsarət alıblar.
Faktla bağlı Xocavənd Rayon Prokurorluğunda araşdırma aparılır.
