Zimbabvedə Kariba gölündə həddindən artıq yüklənmiş bərənin aşması nəticəsində ən azı 15 nəfər həlak olub. Bu barədə Zimbabvenin Fəlakətlərin İdarə Edilməsi üzrə Milli Agentliyinə istinadən “Associated Press” agentliyi məlumat verib.
Xilasetmə əməliyyatı nəticəsində 77 nəfər xilas edilib. Onlar göldəki kiçik adalardan birinə çata biliblər. Daha 27 nəfər isə hazırda itkin düşmüş hesab olunur. Göl ərazisində fəal axtarış-xilasetmə işləri davam etdirilir.
Zimbabvenin Mülki Müdafiə Bölməsinin satılmış biletlərin məlumatlarına əsasən hazırladığı hesablamaya görə, hadisə zamanı bərənin göyərtəsində 114 sərnişin və 5 heyət üzvü olub.
Mənbə: report.az
