Avqustun 11-də Almaniya Federativ Respublikasından 37 Azərbaycan vətəndaşı geri qaytarılıb. Bu barədə Azərbaycan Respublikasının Dövlət Miqrasiya Xidmətindən bildirilib.
Qayıdış prosesi “Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında Saziş” çərçivəsində təşkil olunub.
Qurumdan bildirilib ki, müvafiq dövlət qurumlarının nümayəndələrindən ibarət olan və Dövlət Miqrasiya Xidmətinin əlaqələndirdiyi Reinteqrasiya üzrə İşçi Qrupu readmissiya olunmuş vətəndaşların qarşılaşdıqları problemlərin operativ həlli üçün zəruri tədbirlər həyata keçirir.
İşçi qrupunun tədbirləri qaytarılan vətəndaşların cəmiyyətə səmərəli və davamlı sosial-iqtisadi reinteqrasiyasının təmin edilməsinə yönəldilib.
Mənbə: apa.az
