İranın Məşhəd şəhərində yerləşən, keçmiş ali dini lider Əli Xameneinin dəfn olunduğu İmam Rza dini-memorial kompleksinin ərazisində yanğın baş verib.
“Tasnim” agentliyinin yaydığı məlumata görə, yanğın kompleksin tikintisi davam edən obyektlərindən birində başlayıb.
Hadisə zamanı işçilər bitumun texnoloji emalını həyata keçirirmişlər. Yanğın nəticəsində güclü tüstülənmə baş verib və tüstü ziyarət kompleksinin bir hissəsini bürüyüb.
Bildirilir ki, hadisə yerinə cəlb olunan fövqəladə xidmət əməkdaşları alovun ətraf ərazilərə yayılmasının qarşısını alıblar. Hazırda yanğın tam söndürülüb.
Yanğının başvermə səbəbləri araşdırılır.