ABŞ Prezidenti Donald Tramp ABŞ ilə İran arasında mövcud olmuş atəşkəs rejiminin artıq qüvvədə olmadığını açıqlayıb.
Xarici KİV-in məlumatına görə, Tramp Ankarada jurnalistlərə verdiyi açıqlamada tərəflər arasında əldə olunmuş müvəqqəti razılaşmanın başa çatdığını bildirib. O, Vaşinqtonun Tehranla bağlı mövqeyinin dəyişdiyini və mövcud vəziyyətin yeni mərhələyə keçdiyini vurğulayıb.
ABŞ liderinin sözlərinə görə, hazırda İranla qüvvədə olan hər hansı atəşkəs razılaşması yoxdur.
Qeyd edək ki, Trampın bu bəyanatı son günlər ABŞ və İran arasında hərbi gərginliyin yenidən artdığı, qarşılıqlı zərbələrin davam etdiyi bir vaxtda səsləndirilib.