Rusiyanın Sverdlovsk vilayətində “Upır” FPV pilotsuz uçuş aparatının istehsalı ilə məşğul olan Vladimir Tkaçukun avtomobili partlayıb.
Rusiya KİV-lərinin məlumatına görə, “Mercedes” markalı avtomobildə baş verən partlayış zamanı Tkaçuk sağ qalsa da, ağır xəsarətlər alıb. Onun xəstəxanaya çatdırıldığı və reanimasiya şöbəsinə yerləşdirildiyi bildirilir.
Hadisənin hansı şəraitdə baş verdiyi hələlik açıqlanmayıb. Hüquq-mühafizə orqanları partlayışın səbəblərini araşdırır.
Vladimir Tkaçuk Rusiyada istehsal olunan “Upır” FPV pilotsuz uçuş aparatının hazırlanması və istehsalı ilə məşğul olan şəxslərdən biri kimi tanınır. Bu tip dronlardan Rusiya ordusu Ukraynadakı müharibədə istifadə edir.